BOMBO LAOAG – Inaprubaran iti Sang Panlalawigan iti maikatlo ken maudi a pannakabasa ti ordinansa seknan iti pannakaipawil a mairuwar ditoy probinsya dagiti maapit a bagas.
Nagbalin a naiget ti debate ken deliberasyon dagiti kameng ti Sang panlalawigan mainaig ti daytoy nga ordinansa.
Nupay kasta, 13 dagiti kameng ti sang panlalawigan ti nangaprubar ti nasao nga ordinansa.
Naipalaon iti ordinansa ti pannakaipataw ti nadagsen a pannusa kadagiti matiliwan a manglabsing iti daytoy nga addang.
Ti ordinansa ket agapekto, 120 nga aldaw kalpasan dagiti mapasaran a kalamidad kas ti bagyo.
