LAOAG CITY – Ginasut a ribo a tattao ti nagtitipon iti intero a France iti kumarkaro a tignay protesta nga ipatpatungpal dagiti estudyante, kadwa da dagiti nagannak da kasta pay dagiti nagduduma a grupo.
Naruay nga agtutubo ti nagmartsa manipod Place de la République iti Paris, ken agpanpanawagan da ti ad-ado pay a resources para kadagiti pagadalan.
Nagpanawagan da pay kadagiti otoridad nga isardeng da ti mangirurumen kadagiti umili.
Immuna iti daytoy, nagusar dagiti pulis ti tear gas tapno mawara dagiti demonstrador iti Paris ken Marseille idinto a nausar ti water cannon iti Rennes.
Kinondenar met ni Prime Minister Sébastien Lecornu ti kinadamsak ken kunana a sipud narugyan ti tignay protesta ket umabote iti 215 nga estudyante ken 85 nga staff ti nadangran kasta pay ti 715 a police officers.
Adda met ti 891 a pagadalan iti sekondarya nangsuspenso ti klase na gapu iti tignay protesta.
