LAOAG CITY – Inbatad ti Indian foreign minister iti parliament a kiniddaw ni Ousted Bangladeshi Prime Minister Sheikh Hasina a mapan iti India iti “very short notice.”
Nagtalaw ni Hasina manipud Bangladesh nga agturong idiay India kalpasan ti political crisis ti nangparmek iti gobiernona.
Saan a dinakamat ni Foreign Minister S Jaishankar no kasano kabayag ti panagtalinaedna iti pagilian wenno no ania dagiti sumaruno nga addangna.
Iti umuna nga opisial a komentona sipud idi nagpuntiria ti krisis idiay Bangladesh, kinunana a regular a makikomunikar isuna iti India kadagiti otoridad idiay Dhaka iti 24 nga oras.
Maipalagip a nag-resign ni Hasina idi Lunes kalpasan ti deadly anti-government protests.
Kabayatanna, inkari ti army chief ti nadakamat a pagilian a mabukel ti interim government ken maipakaammo ti baro nga eleksion.
