LAOAG CITY – Maisayangkat intono Lunes ti out of the capitol session dagiti kamkameng ti Sangguniang Panlalawigan iti ili ti Nueva Era.
Segun kenni Vice Gov. Cecilia Araneta Marcos, daytoy ti kaunaan nga ili a turungen da tapno mangiwayat ti regular session.
Gapu iti daytoy, kiniddaw ti bise gobernador ti kaadda dagiti sangguniang panlalawigan member sakbay iti alas dos y media ti malen a panagrugi ti regular session.
Gagem ti nasao nga addang ket tapno maikkan ti gundaway dagiti opisyales ti nasao nga ili ken uray dagiti opisyal ti barangay a mangimatang no kasano nga iwayat da ti sesyon ken idasarto metten dagiti opisyal ti nasao nga ili dagiti kayat da nga idanon iti junta probinisyal.
Innayon ni Marcos a babaen iti daytoy ket mapaigetan pay ti relasyon ti junta probinsyal ken dagiti umili tapno napintas ti maipaay ti serbisyo kadagiti umili.
