LAOAG CITY – Inpasingked ni Outgoing Mayor Mike Hernando iti ili ti San Nicolas nga agtultuloy latta ti panangsuporta na kadagiti college students a benepisyaryo ti Damili Scholarship Program iti nasao nga ili.
Kuna na nga uray bumaban iti pwesto kalpasan a naatiw iti napalabas nga eleksyon ket nawaya latta dagiti estudyante benepisyaryo ti nasao a programa a mapan agkiddaw ti tulong kenkuana.
Inbatad ni Hernando a ti laeng masapol nga aramiden dagiti maseknan nga estudyante ket mentenaren da ti academic standing da.
Inrakurak daytoy ni Hernando kabayatan ti panagbitla na iti panangibunong da ti sag-5 ribo a pisos dagiti 11 a college students a karaman iti Damili Scholarship Program.
Ti Damili Scholarship Program ket ponpondoan ti Lokal a Gobierno iti ili ti San Nicolas.
