LAOAG CITY – Dinayaw ni outgoing Philippine National Police (PNP) chief a ni Gen. Rommel Francisco Marbil ti sumukat kenkuana a ni Maj. Gen. Nicolas Torre III.
Kuna ni Marbil nga ad-adda a kwalipikado ni Torre para iti kangatoan a posisyon iti Philippine National Police.
Inbatad ni Marbil a nalalaing ni Torre ngem isuna kagiddan ti panangdakamat na dagiti nagballigian na, karaman ditoy ti panangidaulo na kadagiti high-profile a kaso kas ti panagbiruk ken panangarestar ken ni televangelist Apollo Quiboloy iti Davao City ken ti pannakaiserbi ti warrant of arrest ken ni dati a Presidente Rodrigo Duterte kas hepe ti Criminal Investigation and Detection Group (CIDG).
Dinayaw pay ni Gen. Marbil dagiti kabaelan iti panangidaulo ni Torre kas kangrunaan a makaigapu iti promosyon na, saan laeng a gapu kadagiti kaso nga adda ti pakainaigan da Quiboloy ken Duterte.
Ginutigot ni Marbil ni Torre nga itultuloy na dagiti reporma iti nailian a pulisya ken solbaren dagiti pagkapsutan ti administrasyon na.
Kabayatanna, kinumpirmaran ni Marbil nga adda dagiti kaso a sangwen na iti panagretiro na ken nadakamat na pay dagiti kritisismo a kas iti kaso ni Duterte ket paset ti trabaho ti maysa a pulis.
