LAOAG CITY – Inbatad ni Mr. Joseph Agulyana, tubo ditoy ciudad ti Laoag ken agnanaed idiay Toronto Canada nga awan ti madamdamag na a problema seknan iti Overseas Absentee Voting iti nasao a pagilyan.
Segun kenni Agulyana, dua nga aldaw sakbay ti panagbutos da ket naawat dan ti balota nga inpatulod ti konsulada kadakuada a botante.
Inlawlawag na a kalpasan a makabutos ket masapol a maisubli met laeng a dagus iti konsulada.
Kunana nga uray sabali a tao ti mapan mangikabil iti konsulada ti balota a nagbutusan da gapo ta naka-seal daytoy.
