LAOAG CITY – Napagtalinaed ti Pilipinas ti panagdur-as ti cash remittances idi Enero ita a tawen iti panagngato na ti 3.5 percent year-on-year.
Basar iti datos ti Bangko Sentral ng Pilipinas, nakita a ti remittances a naipatulod kadagiti bangko ket umabot iti $3.02 billion iti panangrugi ti tawen, nangatngato iti $2.92 billion iti isu metlaeng a panawen idi 2025.
Ti alisto a panagdur-as ti cash remittances ket naparpartak no ikompara iti 3.3 percent nga expansion a nairekord idi Disyembre ti napalabas a tawen.
Nagtalinaed a top source ti cash remittances iti Pilipinas ti Estados Unidos, sinaruno ti Singapore ken Saudi Arabia.
