LAOAG CITY – Pinasingkedan ti Overseas Workers Welfare Administration (OWWA) ken ti Department of Migrant Workers (DMW) a saan nga agpaypayso ti “airport escort” ken dagiti saan nga awtorisado a serbisyo tapno makaala ti Overseas Employment Certificate (OEC).
Segun iti ahensia, adda dagiti indibidual nga agar-aramid iti napartak a proseso ti imigrasion wenno peke nga Overseas Employment Certificate a kasukat ti dakkel a gatad ti kuarta.
Gapu iti daytoy, nagpalagip ti Overseas Workers Welfare Administration ken Department of Migrant Workers iti publiko nga agbalin a kritikal ken siguraduen nga amin a transaksion ket lumasat iti umno a proseso ti ahensia tapno maliklikan ti pannakabiktima kadagiti scam.
Muna pay ti ahensya a masapul nga ireport a dagus daguti Overseas Filipino Workers ti aniaman a pasamak maipapan iti panagkusit iti opisial a page ti Department of Migrant Workers Anti-Illegal Recruitment and Trafficking in Persons Program.
