LAOAG CITY – Inbatad ni Gov. Matthew Marcos Manotoc ditoy probinsia a manarimaanen a maususar iti dua nga oxygen plant iti Gov. Roque Ablan Sr. Memorial Hospital ditoy ciudad ti Laoag.
Inlawlawagna a naestablisar dagiti dua nga oxygen idi 2019 ken 2023.
Inpettengna a kabaelanen ti nasao a balay pagasan iti makapartuat ti 10 a tanke ti oxygen iti kada oras.
Segun kenkuana, maipaayan iti makaanay a suplay ti oxygen dagiti dadduma a pampubliko nga ospital ditoy probinsiya ken kabaelan pay ti ospital ti aglako kadagiti pribado nga organisasion.
Malaksid iti daytoy, inpakaammona nga adda ti infrastructure project ti Provincial Hospital kas ti laboratory, emergency room, salun-at building, medical arts building ken dadduma pay.
Kabayatanna, kinunana a paset amin dagitoy iti pannakapapintas ti serbisyo iti benneg ti salun-at para kadagiti umili ditoy probinsia ti Ilocos Norte.
