LAOAG CITY – Immabot ti 1.3 a milyon a pisos ti nabituran ken namanuan iti kasar da Atty. Ferdinand Michael Marcos Manotoc kenni Mrs. Carina Amelia Manglapus- Manotoc idi Nobyembre 25 iti Paoay Church.
Daytoy ti kinumpirmaran ni Mr. Jun Arvin Gudoy, mangidadaulo iti Communications and Media Office (CMO) ti Kapitolyo Probinsiyal.
Kuna na nga isegida a naipaima kenni Davao City Mayor Inday Sara Duterte-Carpio ti nasao a gatad tapno maidonar para ti siudad ti Marawi.
Inbatad ni Gudoy a kaaduan kadagiti nagdonar ket dagiti lokal a negosyante ken sumagmamano a politiko.
Imun-una ngem iti daytoy, nagyaman ti Mayor ti Davao kadagiti agasawa gapu ta nalagip da ti tumulong iti pannakatarimaan na.
