LAOAG CITY – Mamati ni House Speaker Ferdinand Martin Romualdez a dakkel ti maitulong iti panangpasayaat ti edukasion iti pagilian ti addang ni Presidente Ferdinand Marcos Jr., a mangilatang ti 1 a bilyon a pisos ti pannakaipatakder ti Child Development Centers iti 328 a marigrigat a komunidad iti intero a pagilian.
Dinakamat ni Romuldez a ti nasao a pundo a paset ti Local Government Support Fund iti babaen ti 2025 national budget a mangipasigurado nga awan ti ubbing a mabati maipapan iti edukasion.
Inpetteng ni Romualdez, saan a mabalin a dagiti laeng senior high school wenno college scholarships ti tutukan gapu ta ti pannakaisuro ket kasapaulan a rugianan no ubing pay laeng.
Kunana nga adu pay ti kasapulan nga iyurnos iti sistema ti edukasion ken masapul a nasapa a rugian daytoy.
