Inbatad ti Department of Finance (DOF) a mapatta-patta a makissayan ti P10 a bilyon a pisos ti mapastrek ti gobierno no maituloy ti nailungalong a tariff rate reduction iti panag-import ti bagas.
Segun ken ni finance undersecretary Domini Velasquez, nakasagana ti ahensya a mangtallikud ti pannakapukaw ti taripa tapno masigurado laeng a bumaba ti inflation.
Iti napalabas a tawen ket umabot iti P30 bilyon ti nakolektar a taripa manipod iti importasyon ti bagas.
Innayon ti opisyal a napatpateg a maipababa ti presyo ti bagas iti P4 agingga iti P5.
Immunan nga inrakurak ni Department of Finance Secretary Ralph Recto a pabor iti pannakaipababa ti taripa iti panagangkat ti bagas.
Kuna ni Recto a mabalin a makissayan ti rate manipod iti agdama a 35 a porsiyento tapno masuportaran ti namnamaen a panagbaba ti presyo ti bagas intono Setyembre iti agdama a tawen.
