LAOAG CITY – Inrakurak ni Ms. Ruby Bunalade, mangidadaulo ti City Planning ditoy siudad ti Laoag nga adda ti 15 a milyon a pisos para iti pannakagatang ti sangapulo nga ektaria a lote ditoy siudad.
Segun kenkuana, ti kinapudnona ket nailungalong daytoy a banag idi pay laeng tawen 2022 no sadinno ti pundo a mausar ket aggapu met laeng idi 2022.
Inbatadna a ti pundo ket manipud iti 20 a porsiento a Development Fund no sadinno a nangilatangda ti 50 a milyon a pisos para iti landbanking iti tawen 2022.
Inlawlawagna a ti nasao a gatad ket maipatungpal koma ti 30 a milyon a pisos para iti ecozone iti Brgy. Calayab idinto a ti 20 a milyon a pisos para iti socialize housing iti Brgy. Talingaan.
Innayonna a nagkiddawda iti Department of Budget and Management ti lima a milyon a pisos para iti pannakaipatungpal iti nasao a banag.
