LAOAG CITY – Inpasigurado ti Land Transportation Franchising and Regulatory Board (LTFRB) a naikeddeng ti panagdengngeg inton Pebrero 19 para iti nakapenpen a petision nga ingato iti P15 ti pagplete para kadagiti jeepney.
Segun ken ni Land Transportation Franchising and Regulatory Board Technical Division Joel Bolano, ti nasao a petision ket aramiden a P15 ti minimum fare manipud iti agdama a P13.
Inbatadna a ti petision ket matingiting inton Mierkoles a naipila pay idi tawen 2023.
Mainaig iti nasao a petision ti panangaprobar idi Oktubre 2023, ti P1 provisional increase iti minimum fare para iti public utility jeepneys nga inaramid a P13 manipud iti P12 a singir iti pagplete iti traditional jeepneys ken inaramid a P15 kadagiti modern jeepneys manipud iti P14.
Maipalagip a kadagiti naglabas a bulan idi inrakurak ti Land Transportation Franchising and Regulatory Board nga ad-adalendan ti nakapenpen a petision dagiti nagduduma a transport groups a makaipangatoda ti singir iti minimum fare.
Naiget a tingtingitingen ti Land Transportation Franchising and Regulatory Board ti trend iti presio ti gasolina, inflation rates ken ti pakabuklan nga epekto iti ekonomia iti riding public.
