LAOAG CITY – Umabot iti 2.5 milyon a pisos ti balor dagiti alikamen ken makinarya nga indiaya ti gobierno probinsial babaen iti pannakibinnulig ti Public Employment Service Office iti Department of Labor and Employment.
Daytoy ket sabali manen a bansada ti “Ilocos Norte Kabuhayan Livelihood Assistance Program”.
Segun iti gobierno probinsial, maysa milyon a pisos ti naipaay para iti kagamitan nga usaren dagiti Cassava growers iti Brgy. caraitan iti ili ti Badoc, idinto a P1.5-milyon ti balor ti makinarya ken gamit a naipaima para iti craft production project iti 13 a barangay iti ili ti Currimao.
Inpasingked ti gobierno probinsyal nga agtultuloy ti panangipaay da iti tulong nangruna iti livelihood assistance para kadagiti umili babaen iti pannakibinnulig da pay iti nagduduma nga ahensya.
