LAOAG CITY – Manamnama a rugyan ti Department of Agriculture (DA) ti panangilako ti bagas iti Php20 iti kada kilo para kadagiti jeepney ken tricycle driver iti sumaruno a bulan.
Ti inisyatibo ket gagem na a malag-aan ti naao a sektor babaen iti pannakaipababa ti gastos da iti makan partikular iti bagas.
Skbay ti full-scale implementation iti sumaruno a bulan, maaddaan pay laeng ti initial roll out ti ahensya iti Php 20 rice program para kadagiti jeepney kentricycle driver paritkular intono Setyembre 16 kadagiti lima a pilot areas tapno makita ti sistema ken madeterminar no anya dagiti posible a problema.
Segun kenni Agriculture Secretary Francisco Tiu Laurel Jr., aktibo ti ahensya a makikokordenar iti Department of Transportation (DOTr) para iti implementasyon ti programa.
Ti Department of Transportation ti akin-iggem iti database dagiti TODA wenno Tricycle Operators and Drivers’ Association a napateg paa iti panagdeterminar ken pammaneknek kadagiti agbalin a benepisyaryo ti programa.
Maysa kadagiti napili a pilot area para iti initial roll out ket ti Navotas City nga addaan ti listaan a nasurok kumurang 4,000 accredited jeepney ken tricycle drivers nga isu ti ummuna a mabenipisyaran iti daytoy.
Naamoan a maysa ti Navotas kadagiti lugar a naiprayoridad gapo iti nangato a bilang dagiti driver ken ti organisado a sistema iti TODA.
Inlawlawag ti ahensya a ti Php 20 rice program ket ummuna a nakatulong kadagiti solo parents, senior citizens, dagiti benepisyaryo ti 4Ps, ken persons with disabilities.
Innayon na a daytoy ti mangipakita ti commitment ti gobyerno n suportaran dagiti nagduduma a vulnerable sectors babaen iti nalaka a bigas.
