Nailako ti bagas nga agbalor ti P20 iti tunggal kilo iti nabiit pay a programa ti “Kadiwa ng Pangulo” (KNP) iti rehion ti Bicol.
Inbatad ti Presidential Communications Office (PCO) a nabatad ti impormasion manipud iti National Irrigation Administration (NIA) nga P20 iti kada kilo ti bagas.
Nailako ti bagas iti Kadiwa ng Pangulo launch iti National Irrigation Administration’s Albay-Catanduanes Irrigation Management Office (Acimo) idiay Ligao City, Albay.
Segun iti Presidential Communications Office, karaman kadagiti prioridad nga umawat ti P20 iti kada kilo ket dagiti kameng ti Pantawid Pamilyang Pilipino Program (4Ps) beneficiaries, senior citizens, ken persons with special needs.
Nuoay kasta, dagiti regular a kustomer ket nagatangda ti bagas iti P35 iti kada kilo.
Malaksid iti bagas, kinuna ti National Irrigation Administration a nadumaduma a prutas, nateng, sumagmamano a delicacy, ken dadduma pay a produkto ti talon ti nailako met iti nalaka a presio.
Kabayatannna, inpaghanetget ti National Irrigation Administration nga agtalinaed a naipamaysa iti panangpaadu iti produksion ti bagas nga agturong iti pannakaipatungpal ti “Bagong Pilipinas” a napanunot ni Presidente Ferdinand R. Marcos Jr.
