LAOAG CITY – Umabot iti 20 a milyon a pisos ti pondo a naiyalokar para iti pannakapasayaat ti sanitary landfill ditoy ciudad ti Laoag.
Daytoy ti inbatad ni Engr. Marcial Bactuad iti City Engineering Office ditoy ciudad.
Segun ken ni Bactuad, babaen ti nasao a pondo ket masigurado a naan-anay a mapasayaat ti sanitary landfill ditoy ciudad ti Laoag.
Karaman kadagiti maaramid ket ti pannakaipaay ti slope protection, maestablisaran ti kalsada nga agatiddog iti 500 a metro ken dadduma pay a nasken a maiplastar iti sanitary landfill.
Malaksid iti 20 a milyon a pisos ket adda pay ti nayun na a 5 a milyon a pisos para iti pavement ti nasao a sanitary landfill.
