LAOAG CITY – Ikauneg ti PNP-Laoag ti agimbestigar seknan iti pannakatakaw manen ti kuarta ti main office ti LBC a masarakan iti Bgy. 8 ditoy ciudad ti Laoag.
Segun kenni P/Supt. Edwin balles, Hepe ti pulisya ditoy ciudad ti Laoag, pananglikyab dagiti suspek ti bubungan ti pasdek negosyo kalpasan na ket ki nartib da ken idiay ti nagserkan da.
Kuna ni Balles a kalpasan a nakastrek dagiti suspek ket inikkat da ti kuneksiyon ti CCTV rason nga awan ti nairecord a footage ti napasamak.
Inlawlawag ni Balles a pinilit a linukatan dagiti suspek ti vault ti nasao a pasdek negosyo kalpasan ket intaray da ti agarup 200 a ribo a pisos a linaon na.
Kuna pay ni Balles a kitaen da ti posibilidad nga adda inside job ti nasao a panagtatakaw isu nga inmandar na kadagiti kakadua na ti panangiprofilling da kadagiti empleyado ken iti posible a panangipadalan da ti lie detector test.
Innayon na nga adda ti dua a guwardiya a naka duty ngem ti sibubukel a pasdek ti banbantayan da a saan ketdi a ti laeng nasao a pasdek negosyo ti banbantayan da.
Kabayatanna, saan a nailinged ni Balles ti nasdaaw gapu ta saan la nga ita a matakawan ti nasao a pasdek negosyo.
