LAOAG CITY – Ad-adalen ti Department of Agriculture (DA) ti nailungalong a maikeddeng ti P210 iti kada kilo a floor price ti live hogs tapno matulungan dagiti hog raisers manipod iti panagbagsak ti farmgate prices.
Inbatad ni Agriculture Secretary Francisco Tiu Laurel Jr. a makisarita ti ahensya iti industry buyers tapno adaptaren ti floor price, gapu ta saan nga otorisado ti Department of Health a mangipatungpal ti nasao a pagannurutan.
Immunan a nagpanawagan dagiti hog raisers iti gobierno nga i-regulate ti buying prices, no sadinno a nailungalong ti P210 iti kada kilo a floor price ken ti naiget a panagmonitor ti pannakaiserrek dagiti imported pork iti pagilian.
Iti datos ti Bureau of Animal Industry, adda ti pakabuklan a 541,405 a metriko tonelada ti pork meat imports iti uneg ti pito bolan ita a tawen, ngimmato ti 10-percent manipod iti 490,825 a metriko tonelada iti kapada a tawen idi 2025.
