LAOAG CITY – Umabot iti 242 a milyon a pisos ti naipaay a cash assistance kadagiti umili ditoy probinsya ita a tawen 2021.
Daytoy ti inpakaammo ni Governor Matthew Marcos Manotoc kalpasan nga adda ti dimmanon a report kenkuana seknan ti maipagarup nga awan ti pannakaipaay ti tulong pinansyal kadagiti kailian malaksid iti nagduduma a ramit ken equipments.
Inlawlawag ti gobernador a malaksid iti cash ket naruay nga inputs ken equipments dagit maibunbunong para iti alisto a resources a mausar iti inaldaw a panagbiag.
Inbatad na a dakdakkel ti naipaay a tulong pinansyal ita a tawen nu maikumpara iti 120 a milyon a pisos itay napan a tawen.
Kuna na a kangrunaan a nakabinsa-binsaan ti naipaay a tulong pinansyal ket dagiti naapektaran dagiti dimmalapos a bagyo, african swine fever (ASF) pakairamanan dagiti nagduduma nga aktibad.
