Nakumpiskar ti Department of Trade and Industry (DTI) ken Philippine National Police iti naisyangkat a joint operative iti maysa a vape store iti asideg ti Baclaran Elementary School idiay Paranaque City.
Segun kenni Department of Trade and Industry-Fair Trade Enforcement Bureau Director Phillip Sawali, nakumpiskarda ti 452 a kahon ti illegal a vape products manipud iti vape store a 20 metro laeng ti kaadayona manipud iti nadakamat a pagadalan.
Napasamak ti pannakakumpiska kalpasan ti joint force raid iti vape store gapu iti panaglabsing iti Republic Act No. 11900, wenno ti Vaporized Nicotine and Non-Nicotine Products Regulation Act of 2022.
Segun iti linteg, maiparit ti panaglako iti vapes wenno e-cigarettes iti asideg dagiti pagadalan, , playground ken dadduma pay a lugar a pagyanan dagiti agtutubo iti uneg ti 100 a metro.
Inbilin ti Fair Trade Enforcement Bureau ti pannakasuspende ti panaglako, panagaramid, panagangkat ken distribusion iti vape nga inaramid ti Flava kalpasan ti panaglabsing iti RA 11900.
Inbilin met ni Department of Trade and Industry Secretary Alfredo Pascual a kumpiskaren dagiti kameng ti Fair Trade Enforcement Bureau dagiti saan a nagtungpal produkto iti merkado kas panangipaganetget a maawatan ti publiko, ken vape stores ti mandatoda a mangsuporta laeng kadagiti lehitimo a negosio tapno masigurado ti kinatalged dagiti konsumidor.
Kabayatanna, inpasigurado ni Pascual a pinaingetda ti monitoring ken enforcement efforts, tapno mapasardeng ti illegal trade ti vape products a target dagiti menor de edad.
