LAOAG CITY – Nangiyebkas ti namnama ti United Private Hospital Unions of the Philippines (UPHUP) a saan laeng a “lip service” ti plano ti Department of Health (DOH) nga urnusen ti unpaid health emergency allowance (HEA).
Inbatad ni United Private Hospital Unions of the Philippines spokesperson Richie Ronald Ignacio a nakigtotda iti rakurak ni Health Secretary Ted Herbosa maipapan iti plano a panangilatang ti P27 bilyon ita a tawen para iti allowance dagiti health workers.
Nupay kasta, inpettengna a saanna a kayat nga agbalin a “party pooper,” ngen kalpasan dagiti amin a rakurak manipud kadagiti ahensia ti gobierno maipapan iti panangiparuk-at ti Health Emergency Allowance, naammirisna nga adda ti pakaipapananna dagitoy.
Mangnamnama dagiti healthcare workers maipanggep iti nairakurak a pannakailatang ti P27 bilyon a saan laeng daytoy a maysa a “lip service” manipud kadagiti ahensia ti gobierno.
