LAOAG CITY – Inbatad ni Dr. Melvin Manuel, mangidadaulo iti City Disaster Risk Reduction and Management Office ditoy siudad Laoag nga aggatad ti P28-M dagiti nadadael nga infrastructure projects, agriculture ken agri-fisheries ditoy ciudad gapu pay laeng iti Super Typhoon Carina.
Basar iti assessment ti City Agriculture Office ditoy ciudad aggatad iti P423–K ti nadadael iti sektor ti agrikultura.
Mainaig iti daytoy, basar met iti assessment dagiti nadadael a public buildings ket aggatad ti sumurok P12-K ket iti road and bridges ket aggatad met iti P16-M.
Innayonna a ngimmato met ti lebel iti danom kangrunaanna iti Padsan River ditoy ciudad.
Nupay kasta, ket adda pay laeng iti evacuation centers dagiti immunan a naibakwiten idi Hulio 23 gapu iti panaglayos iti gubuay ti Super Typhoon Carina.
Segun kenkuana, manamnama a ngumato ti pay ti gatad dagiti nadadael nga infrastructure project ken iti sektor ti agrikultura.
Maipalagip nga adda ti dua a pamalia ti naibakwit manipud iti Brgy. Barit, Sitio 6 a nakaapasar iti landslide gapu iti agtultuloy a panagtudo gubuay iti Super Typhoon.
Kabayatanna, kinunana a kaddua da ni Mayor Micheal Marcos Keon a nagmonitor kadagiti flood prone areas ditoy ciudad no sadinno kinuna ti Mayor a sisilukat daytoy a mangipaay ti tulong kadagiti naapektaran a residente ditoy siudad gapu iti Super Typhoon.
