LAOAG CITY – Inrakurak ti Philippine Chamber of Agriculture and Food Inc. a saan a sustainable ti inisyatibo ti gobierno nga aglako ti daan nga stock ti bagas manipud iti National Food Authority (NFA) iti balor a P29 iti kada kilo kadagiti vulnerable sectors.
Inbatad ni Philippine Chamber of Agriculture and Food Inc. President Danilo Fausto, posible a biddut ti impresyon ti inisyatibo nga inawagan ti “Bigas 29” a daytoy ket sustainable.
Inlawlawagna a regular a gumatgatang ti National Food Authority ti bagas para iti buffer stocking mandate daytoy ken mangipaay ti wagas iti “Bigas 29” program tapno maipaay dagiti stock ti bagas iti masangoanan.
Maipalagip a nangrugi ti large-scale trial ti panaglako ti daan a buffer rice stocks iti Kadiwa sites idiay Metro Manila ken Bulacan.
Naammoan a ti P29 iti kada kilo a bagas ket available laeng para kadagiti benepisiario ti 4Ps, senior citizens, PWDs ken solo parents.
