LAOAG CITY – Awanen ti mabayadan nga entrance fee iti Ferdinand Edralin Marcos Stadium para kadagiti agturong ken agusar iti running track iti aldaw ti martes, hwebes ken domingo idinto a dagiti dadduman nga aldaw ket agbayad ti 30 a pisos.
Nupay kasta, daytoy ket maiyaplikar laeng kadagiti residente iti Ilocos Norte isut gapuna a kasapulan nga ipakita ti valid nga Identification Card tapno magundawayan ti libre a serbisyo iti nasao nga stadium.
Mainaig iti daytoy, kadagiti met senior citizens, persons with disabilities, estudyante ken dagiti agtawen ti 18 agpababa nga addaan ti valid nga Identification Card ket inaldaw a libre ti panagusar da iti Ferdinand Edralin Marcos Stadium.
Kabayatanna, libre met nga usaren ti siasinno man ti swimming pool iti nasao nga stadium iti aldaw ti domingo.
Inlawlawag ni Mr. Ianree Raquel, ti Provincial Tourism Officer iti kapitolyo probinsyal a kasapulan ti maintenance iti stadium isut gapuna nga adda dagiti aldaw a kasapulan dagiti sumrek ti agbayad ti entrance fee.
