LAOAG CITY – Inrakurak ni Presidente Ferdinand “Bongbong” Marcos Jr. nga itultuloy agingga iti 2026 ti P300 bilyon a pondo para kadagiti flood control project, basta adda ti umdas a safeguards.
Iti ibibisita na iti Gonzaga, Cagayan, inpetteng ni Presidente Marcos ti kinapateg ti naurnus a proposal, program of work, ken panangawat ti lokal a gobierno kas baro a pagannurutan iti panangipatungpal ti proyekto.
Inpasigurado met ti presidente a saanen a maulit dagiti napasamak a panagabuso iti kallabes iti panangusar ti pondo para iti imprastruktura.
Inbatad na a ti gobierno ti para idulin ti kwarta ti umili ken masapol nga usto ti pakausaran da para iti pagsayaatan ti amin.
Inbilin met ni Presidente Marcos ti pannakaiyakar ti P255.5 bilyon a pondo manipod iti Department of Public Works and Highways maikabil kadagiti prayoridad a programa ti sabali nga ahensya ti gobyerno.
