LAOAG CITY – Mamati dagiti sumagmamano a Senador a saan nga umdas ti P35 daily minimum wage hike para kadagiti mangmagged iti pribado a sektor idiay Metro Manila.
Segun ken ni Senate President Francis “Chiz” Escudero, ti apagapaman a panagngato ket kurang iti panangsolbar iti pudno a kasapulan dagiti mangmangged nangruna iti baet ti ngumatngato a presio dagiti kangrunaan a magatgatang.
Kwinestionaran ni Escudero ti nangibasaran ti desision ti Regional Tripartite Wages and Productivity Board (RTWPB) a mangkidkiddaw dagiti kalkulasion ti board ket saan a maipada ti mapaspasamak iti pudno a biag.
Inbatad ni Escudero a ti Senado ket nagipasa ti gakat a mapagbalin a 100 across-the-board wage increase.
Pakairamanan ni dati a Senate President Juan Miguel “Migz” Zubiri ket mamati a kurang ti P35 increase iti minimum wage tapno masolbar ti panagngato ti gastos iti inaldaw a panagbiag.
Pabor met ni Zubiri tapno agbalin a linteg ti P100 a minimum wage increase a nasken nga aprobaran ti wage boards saan laeng para iti National Capital Region no di ket iti amin a rehion.
Iti biang ni Presidente Pro Tempore Jinggoy Ejercito Estrada, kunana a panawenen iti panagngato ti sueldo a kasapulan unay dagiti mangmangged ngem inawagan ni Estrada a bassit ti wage hike.
