LAOAG CITY – Manamnama a mangipatungpal ti Department of Agriculture (DA) ti “Rice-for-All,” maysa a programa a mangididiaya ti abot-kaya a bagas kadagiti amin a Pilipino.
Inbatad ni Agriculture Assistant Secretary Genevieve Guevarra nga inton sumarsaruno a lawas, mailako iti “Rice-for-All” program ti bagas nga agbalor ti P45 agingga iti P48.
Inpetteng ni Guevarra a ti asinoman ket mabalin a gumatang ti abot-kaya a bagas nga awan ti limitasion ken saan laeng daytoy a para kadagiti vulnerable sector.
Immuna iti daytoy, kinataripnong ti Kamara iti panangidaulo ni Speaker Ferdinand Martin Romualdez dagiti rice traders tapno maipababa ti presio ti bagas inton Hulio no sadino iti kallabes ket rinugian metten ti P29 Rice Program ti gobierno kadagiti Kadiwa store idiay Metro Manila ken Bulacan.
