LAOAG CITY – Umabot iti 5 a milyon a pisos ti balor dagiti go bags ken life vest a ginatang ti Provincial Disaster Risk Reduction and Management Council iti gobierno probinsyal.
Segun ken ni Mr. Marcel Tabije, ti mangidadauloiti Provincial Disaster Risk Reduction and Management Council, ti pondo a nausar ket manipod iti 5% ti DRMM fund ti gobierno probinsyal.
Inbatad na a dagiti life vest ken go bags ket maibunong kadagiti nagduduma nga ili ditoy probinsya kas panagsagsagana kadagiti sumangbay a bagyo wenno aniaman a kalamidad.
Inpakaammo ni Tabije a dagiti life vest ket maibunong kadagiti agnanaed kadagiti coastal areas ken dagiti asideg iti karayan.
Maipaay met dagiti go bag kadagiti maipadalan iti preemptive evacuation tapno adda ti usaren da iti evacuation center.
Naipalaon iti go bag dagiti napapateg a kagamitan kas ti flashlight, nadalos a mainom, de lata, sultip ken dadduma pay a mausar iti panawen ti kalamidad.
