LAOAG CITY – Umabot iti 500 a milyon a pisos ti inyalokar ti Department of Education para iti Palarong Pambansa 2025.
Daytoy ti inbatad ni Undersecretary Malcom Garma, ti Secretary General ti Palarong Pambansa.
Inlawlawag ni Garma a karaman iti nasao a pondo ti inpaay da a suporta kadagiti nagduduma a rehiyon kangrunaan na ti panagbiyahe da a nagturong ditoy probinsya.
Inpakaammo met ni Miss Helen Rose Domingo, ti mangidadaulo iti Provincial Sports Development Office, nga umabot iti 1.1-bilyon a pisos ti inyalokar ti gobierno probinsyal para laeng iti Ferdinand Marcos Stadium.
Kabayatanna, inbatad ni Garma nga iti panagsursur na kadagiti billeting areas ket awan ti nakita na a dakkel a problema gapu ta no maipapan iti accommodation ket napintas ti feedback dagiti nagduduma a delegates.
Innayon na a ti laeng problema ket ti supply ti danom kadagiti billeting areas ngem ibilang na daytoy a gagangay laeng.
