LAOAG CITY – Inbilin ni Presidente Ferdinand R. Marcos, Jr. ti dagus a pannaka pamamahagi ng P5,000 fuel subsidy para kadagiti pampasahero a drivers nga apektado ti panagngato ti presyo ti gasolia gapu iti mapaspasamak a tension ken gubat iti Middle East.
Tapno mapaalisto ti implementasyon, kinataripnong ni Executive Secretary Ralph G. Recto dagiti Metro Manila mayors tapno plansaen ti alisto ken naurnus a panagibunong ti tulong.
Inbatad ni Recto a kas mayor ket isuda ti ad-adda a makaammo iti pudno a sitwasyon dagiti tricycle ken jeepney drivers iti masakupan da a lugar isut gapuna a napateg ti panagtitinnulong.
Innayon na nga iti naurnus a koordinasyon ken aggigiddan a panagtignay ket ad-adda a mapaalisto a maidanun ti tulong iti kada driver nga agkasapulan.
Inpakaammo ni Recto a mangrugi iti sumaruno a lawas ti panagibunong ti fuel subsidy iti Metro Manila, nga idaulwan ti Department of Social Welfare and Development (DSWD) ken Department of Transportation (DOTr), ken kalpasan iti daytoy ket dagus nga ipatungpal ti panagibunong ti tulong iti dadduma pay a rehiyon iti intero a pagilian.
Daytoy ket paset ti nalawag a direktiba ni Presidente Marcos a mangipaay ti dagus a pakalag-anan ken proteksyon kadagiti sektor a direkta a maapektaran ti krisis iti langis.
Makitinnulong ti ahensya iti national government ken dagiti Local Government Units tapno masigurado ti alisto, naurnus ken direkta a maipaay ti tulong kadagiti drivers nga agkasapulan.
