LAOAG CITY – Umabot iti Lima gasut a ribu a pisos ti “cash prize” nga ipaay ti gobierno probinsial ti Ilocos Norte iti mapagasatan a mangabak iti Tan-ok ni Ilocano Festival of Festivals ita a tawen 2024.
Inpakaammo ni Provincial Tourism Officer Mr. Aianree Raquel a narigat a mabatbatan ti premyo ti nangabak itay napalabas a tawen gapu ta ninayunan ni Pres. Ferdinand R. Marcos Jr.
Nupay kasta, inbunannagna a nanayunan ti “subsidy” nga inpaay ti gobierno probinsyal kadagiti Local Government Units iti panagsaganada iti nadakamat a kompetisyon a maisayangkat iti masungad a Pebrero 16 ita a tawen.
Daytoy ket tapno magutigot dagiti artists a mangaramid iti naidumduma a pabuya ita a tawen.
Mainaig iti daytoy, kunana nga adda dagiti baro a pagalagadan kas iti pannakaipalubos iti live music ken live vocals.
Impalgak ni Raquel nga iti daytoy a tawen ket nabaliwan ti “judging criteria” a napagpapadan ti distribution ti points kadagiti criteria kas iti story, performance, originality, choreography ken production design nga ita a tawen ket agpapadan a duapulo a porsiento.
Kabayatanna, inlawlawagna a dagiti agserbi a judges ket manipud iti dance, theater, film ken dadduma pay a personalidad manipud iti nadumaduma a “background”.
