LAOAG CITY – Inbatad ni former Landbank department manager Violeta Constantino kabayatan ti impeachment trial ni Vice President Sara Duterte nga ‘unusual’ ti panag-withdraw-na ti dakkel a gated ti kuarta nga agdagop ti P500 million.
Daytoy ket ti uppat a cheque nga addaan ti gated a P125 million tunggal maysa no saddinno nga in-encash ti Office of the Vice President (OVP) special disbursing officer Gina Acosto manipud Desiembre 2022 ken Hulio 2023.
Mainaig iti daytoy sinaludsod met ni Senator-Judge Erwin Tulfo no ti transaksion ket maikonsiderar a gagangay ken no adda ti kapada nga ahensia nga agar-aramid iti kastoy a transaksion.
Sinaludsodna pay no ti panag-withdraw ti kuarta ket kasapulan a damagen ti banko no ana ti pakaipapananna ti nasao a gated.
Inbatad met ni Constantino nga awan ti kapanunotanna a withdrawals ket mausar para ti confidential funds.
Malaksid iti daytoy, sinaludsod met ni Senator-Judge Bam Aquino no mai-report dagiti ‘unusual’ a transaksion kadagiti otoridad.
Simmungbat met ti dati a LandBank official nga amin a transaksion a sumurok ti P500,000 pribado man nga indibidual wenno government employe ket mai-report iti Anti-Money Laundering Council (AMLC).
