LAOAG CITY – Makaawat amin ti sag-5 ribo a pisos dagiti driver iti pampubliko a transportasyon iti intero a pagilian.
Daytoy ti inpasingked ni Ilocos Norte 1st District Representative ken Majority Leader Sandro Marcos.
Inlawlawag ni Marcos a naiyuna laeng a naipaayan ti ayuda dagiti driver kadagiti pampubliko a transportasyon iti Metro Manila gapu ta isuda ti kangrunaan a nakarikna ti epekto ti panagngato ti presyo dagiti produkto a petrolyo gubuay iti mapaspasamak a riribok iti Middle East.
Inbatad ni Marcos a kalpasan iti Metro Manila ket maisaruno a maipaayan ti ayuda dagiti apektado a driver iti nagduduma a probinsya.
Innayon na a kalpasan a maipaayan ti ayuda diti transport sector ket maisaruno met dagiti mannalon ken mangngalap.
