LAOAG CITY – Manamnama ng isubmitir iti administrasion ni Pres. Ferdinand Marcos Jr., iti House of Representatives ti gakat a P6.352 trilyon a budget para iti sumaruno a tawen ita nga aldaw, Hulio 29.
Ti 2025 National Expenditure Program ket pormal nga isubmitir ni Budget Secretary Amenah Pangandaman ken ni Speaker Ferdinand Martin Romualdez ken dadduma pay nga opisial ti Kamara de Representantes.
Ti simple a turnover ceremony ket naiyuswat iti alas-10 ti bigat iti Romualdez Hall ti Kamara iti Batasang Pambansa complex idiay Quezon City.
Inbatad ti lider ti Kamara a naigetda nga adalen ti mailunglungalong a pundo ken usaren ti oversight function daytoy tapno maipasigurado nga umiso ti ar-aramiden a pananggastos daytoy kadagiti ahensia ti gobierno.
Ti bersion nga isubmitir ti Kamara, kuna ni Romualdez ket nakalinya kadagiti prioridad ken Agenda for Prosperity ni Presidente Marcos.
Inlawlawag ni Speaker Romualdez a target ti Kamara a maaprobaran ti mailunglungalong a budget sakbay ti recess ti sesyon inton Oktobre.
Naammoan a ti nasao a budget para inton sumaruno a tawen ket dakdakkel ti P585 bilyon maidasig iti P5.767 trilyon a budget ita a tawen.
