LAOAG CITY – Manamnama a maipadalan iti destruction dagiti nakumpiskar a shabu iti probinsya ti Pangasinan.
Daytoy ti inbatad ni Philippine Drug Enforcement Agency Regional Director Atty. Benjamin Gaspi.
Kuna na a naiturnover aminen dagiti droga iti laboratory unit iti national office ti Philippine Drug Enforcement Agency para iti naan-anay a pannakadadael dagitoy.
Inpasigurado met ni Gaspi nga awan ti pagaramidan wenno laboratory ti droga iti Ilocos region.
Kabayatanna, inpakaammo ni Gaspi a saan nga agpapada ti lugar a naggapwan dagiti illegal a droga a narekobre kadagiti kabaybayan iti Rehiyon Uno.
Maipalagip nga umabot iti P6.8-bilyon a pisos ti balor dagiti nakumpiskar 95 a pakete ti droga iti probinsya ti Pangasinan iti nagsaruno a dua nga aldaw iti kallabes.
