LAOAG CITY – Inrakurak ni Finance Secretary Ralph Recto a ti P60 billion excess funds nga insubli ti Philippine Health Insurance Corporation (PhilHealth) iti national treasury ket nausar para iti health-related projects.
Naibilin iti PhilHealth nga isubli ti P89.9 billion nga excess funds iti national treasury.
Iti napalabas a tawen, nag-remit ti PhilHealth ti P60 billion sakbay pay nga adda ti naiparuk-at a temporary restraining order ti Korte Suprema tapno isardeng ti pannakaiyakar ti nabatbati a P29.9 billion.
Iti agtultuloy nga oral arguments iti PhilHealth funds, inbatad ni Recto iti Korte Suprema a ti P60 billion ket nailatang para kadagiti sumaganad:
P27.45 billion tapno bayadan ti allowance ti COVID-19 frontliners
P10 billion iti Social Programs for Health tapno makaipaay ti provide medical assistance kadagiti marigrigat a Pilipino
P3.37 billion para iti pannakaipasdek ti tallo a DOH facilities
P4.1 billion tapno papigsaen ti maipatpatungpal a DOH facilities
P1.6 billion iti Health Facilities Enhancement Program
P13.00 billion tapno pundoan ti government counterpart financing para iti foreign-assisted infrastructure ken social determinants para kadagiti health projects
