LAOAG CITY – Inaprubaranen ti House Committee on Appropriations ti nailungalong a P7.2-trillion national budget para iti tawen 2027.
Inrakurak ni Committee Chairperson Mikaela Suansing a saan a nagbalin nga unanimous ti pannakaaprubar ti pondo ken saan pay a nagtataripnong ti Budget Amendments Review Subcommittee (BARSC).
Matratar dagiti nailungalong a panagbalbaliw no ag-convene ti Budget Amendments Review Subcommittee, karaman ti nayun a pondo tapno makaala ti baro a mangisursuro ken ARAL program ti Department of Education.
Agkidkiddaw pay ti nayun nga alokasyon ti Department of Agriculture para iti fertilizer assistance ken solar-powered irrigation pumps tapno malabanan ti epekto ti El Niño.
Inpasigurado ni Suansing nga i-livestream da dagiti sumaruno a panangtratar ti Budget Amendments Review Subcommittee tapno agbalin a silulukat iti publiko ti aniaman a panagbalbaliw wenno realignment iti national budget.
Target dagiti agpanpanday linteg ti naan-anay a pannakaipasa ti 2027 budget sakbay ti Oktubre 9.
