LAOAG CITY – Inbutaktak ni dati a Department of Public Works and Highways (DPWH) District Engineer ken state witness a ni Henry Alcantara nga umabot iti P800 million ti kadakkelan a kanridad nga indeliber na iti staff ni dati nga Ako Bicol Partylist Representative Elizaldy Co.
Inaramid daytoy ni Alcantara iti isasango na iti Sandiganbayan Third Division iti naisayangkat a bail hearing da dati a Senador Ramon Revilla Jr. ken ti pada na nga akusado iti kaso a malversation.
Dinakamat ni Alcantara ti maysa kadagiti maipagarop a tao ni Revilla nga ipapaayan na ti kwarta a ni Paul Estrada.
Inpetteng ni Alcantara iti korte a nangipatungpal ti sumagmamano a deliveries ken ni Estrada iti Lady Bug Street iti Valle Verde, no sadinno a naireport nga adda ti property ti dati a kongresista.
Basar iti dati a DPWH official, maipagarop a nangipaay ti 25% kickback manipod iti mapatta-patta a P6 billion agingga iti P8 billion a pondo para iti distrito na iti babaen ti General Appropriations Act (GAA) idi 2023.
