LAOAG CITY – Naipila ti nasurok a 2,000 a kanayonan a guidance personnel kadagiti public schools inton tawen 2027 iti Kongreso kagiddan ti naisingasing a P802 million a pondo tapno mapapigsa ti mental health ken child protection services kadagiti estudiante.
Segun kenni House Minority Leader Marcelino Libanan, karaman iti naisingasing a P7.2-trillion national budget para iti 2027 ti pannakabukel ti 1,800 nga school counselor associate positions kadagidi 221 a posision ti school counselor iti babaen ti Department of Education (DepEd).
Impetteng ni Libanan, a napateg ti kanayonan a counseling personnel nangruna iti baet dagiti report ti bullying, agsagsagaba iti dadduma pay a parikut a mabalin a mangapektar iti emosional ken mental a kasasaad dagiti estudiante.
Kinunana a naintiempuan ti naisingasing a pannakaingato ti pondo kalpasan dagiti insidente ti kinaranggas kadagiti pagadalan, pakairamanan ti pannakapaltog ken pammagkong iti sumagmamano a kampus.
