LAOAG CITY – Inlawlawag ni Jose Arnulfo “Wick” Veloso, Presidente ken General Manager ti Government Service Insurance System (GSIS) ti pagpintasan ti “Pabahay Program” ti ahensya.
Daytoy ket kalpasan a narebisar dagiti masapul a requirements no agaplikar para iti nasao a programa.
Inpakaammona nga iti babaen ti napabaro a regulasyon, ti upa ket isu ti mausar kas bayad ti balay nga aw-awaganda ita a “rent to own”.
Maipalagip a sakbay ti “no down payment pabahay program” ket naruay dagiti arunga-ing dagiti miembro gapu ta saanda a kabaelan ti adda down payment na balay.
Kuna ni Veloso ti “no down payment Pabahay program” Government Service Insurance System ket isu ti nagbalin a solusyon da iti problema a nangegan da kadagiti miembro.
Innayonna a daytoy a wagas ti ahensya ket makatulonga kadagiti empleado ti gobierno nga agkalikagom a maaddaan ti balay.
Kabayatanna, inbatad ni Veloso a no daga laeng ti i-avail ket mabayadan daytoy iti uneg ti 15 a tawen bayat a no house and lot ket 20 a tawen.
Malaksid iti “Pabahay Program” ket adda pay ididiaya ti ahensya a mabalin a makatulong kadagiti umili nangruna ti pinansyal a panagkasapulan.
