LAOAG CITY – Natay ti maysa a pulis ken padi kalpasan a rinaot dagiti armado a suspek ti synagogue ken simbaan iti Derbent City ti Dagestan province idiay Russia.
Inbatad ni Dagestan Public Monitoring Commission Chairman Shamil Khadulaev nga adda ti koordinasyon ti panagatake iti dua a lugar.
Natay ni Father Nikolay, agtawen ti 66 iti simbaan iti Derbent kalpasan a giniletan dagiti suspek ti tengnged na.
Uray ti guwardya ti simbaan ket pinaltugan dagiti suspek.
Pinuuran pay dagiti suspek ti synagogue a nakatayan ti maysa a pulis a nagresponde.
Agtultuloy ti imbestigasyon dagiti otoridad tapno maamoan ti kinatao dagiti suspek ken matiliw dagitoy.
