LAOAG CITY – Nagpalagip ti PAG-ASA iti Department of Agriculture (DA) seknan ti panagpasar iti EL NIñO sakbay nga agngudo ita a tawen.
Inlawlawag na a ngimmato iti 65% a porsyento ti posibilidad a maapektaran ti nakaru a panagtikag iti Northern Luzon ken idiay Bicol.
Segun kenni Mrs. Cynthia Iglesias iti DOST-PAG-ASA iti Laoag International Airport, makita iti central ken eastern territorial pacific a naidumduma ti kinapudot iti taaw a possible a mangitunda iti tikag.
Mainaig iti daytoy, inbatad ni Iglesia a karaman pay a manamnama nga agpasar ti tikag mangrugi intono Oktubre wenno Disyembre ket dagiti nagduduma a pagilian kas iti Australia, Japan, ken iti Korea.
Innayon na a manamnama nga agpaot ti mapasaran a tikag agingga intono enero wenno perbrero iti umay a tawen.
Iti agdama, adda iti neutral condition ti probinsya.
