LAOAG CITY – Nangipaay ti Home Development Mutual Fund wenno Pag-IBIG Fund ti P32.92 billion nga home loans iti umuna a kwarter ti 2026, nangatngato ti 9 a porsiento wenno ti P30.22 billion a naiparuk-at iti isu metlaeng a panawen idi 2025.
Segun iti Pag-IBIG, ti nasao a kantidad ket napondoan na ti 20,926 a pagtaengan iti umuna a tallo a bolan ti agdama a tawen.
Inbatad ni Pag-IBIG Fund chief executive officer Marilene Acosta a nakatutuk ti ahensya iti panangtulong kadagiti miembro a maaddaan ti bukod a balay babaen ti affordable monthly payments.
Innayon na a ti Pag-IBIG Fund ket nakaiparuk-at ti nasurok a P140 billion nga home loans idi 2025.
