LAOAG CITY – Inalay-ayan ni Presidente Ferdinand Marcos Jr. ti panagdanag ti publiko mainaig iti panagkurang ti pundo ti Philippine Health Insurance Corporation (PhilHealth).
Iti kinapudnona, ad-adu ti serbisio manipud iti PhilHealth ti ar-aramiden nga available iti publiko.
Daytoy a rakurak ti Presidente ket kalpasan ti inrakurak ti Korte Suprema ti oral argument mainaig iti kontrobersial a pannakaiyakar ti P90 a bilyon a pundo ti PhilHealth iti National Treasury.
Mainaig iti daytoy, inbilin ti Korte Suprema dagiti amin a karaman a partido nga agisubmitir ti memorandum iti uneg ti maysa a bulan.
Kagiddan iti daytoy, nangiruar ti temporary restraining order ti Korte Suprema tapno ipasardeng ti binilyon a pisos a pundo.
