LAOAG CITY – Naragsakan ni Manila Second District Rep. Rolando Valeriano ti desision ti Commission on Elections (Comelec) seknan iti panangiwayat ti survey para iti eleksion.
Inbatad ni Valeriano, nasken laeng ti panangidasar iti pagannurotan ti Commission on Elections nga irehistro dagiti agiwaywayat ti voter surveys.
Kunana a napintas ti addang ti Commission on Elections tapno malapdan ti panangiruar kadagiti peke a survey ken tapno maitandudo ti transparency seknan iti umas-asideg a panagbubutos.
Inkari ni Valeriano a no bilang adda ti makita a naglabsing iti nasao a pagalagadan ket insigidada nga ire-report daytoy iti Commission on Elections.
