LAOAG CITY – Maibilang a dakkel ti epekto na kadagiti agar-aramid ti stainless a sidecar ti nagbalin a pammilin ti Land Transportation Office (LTO).
Inbatad ni Mr. Budz Damo, addaan ti shop iti pagaramidan ti stainless a sidecar iti ili ti San Nicolas, sipud adda ti pammilin ti LTO ket bimmassiten dagiti agpapaaramid kadakuada.
Segun kenkuana, arigna 10 agingga ti 20 a porsienton ti nagbabaan ti mapaspastrek da sipud adda daytoy a pammilin ti LTO.
Inadmitir ni Damo a nangingina ti presyo ti stainless ngem ti galbanisado gapu ta 5 ribo a pisos ti diperensya na.
Innayon na nga iti agdama ket paspasigen a galbanisado ti ar-aramiden da a sidecar ngem stainless latta ti datar na.
