LAOAG CITY – Inbaba ti Philippine Amusement and Gaming Corporation (PAGCOR) ti mabaybayadan a fee rate para kadagiti Electronic Game (E-Games) ditoy pagilian.
Manipud iti dati a 35% ket inaramidna laeng daytoyen iti 30%.
Kinissayan pay ti Philippine Amusement and Gaming Corporation ti rates para kadagiti e-games nga imatmatonan dagiti integrated resort nga agturong iti 25%.
Inbatad ni Philippine Amusement and Gaming Corporation Chairperson ken Chief Executive Officer Alejandro Tengco a ti nasao nga addang ket tapno makaaramid ti napinpintas a regulatory environment iti babaen ti panangallukoy kadagiti unregistered online gaming operator a simrek laengen iti legal market.
Kunana a daytoy ket maysa a wagas tapno malabanan ti illegal gambling operations iti intero a pagilian.
